၂၀၁၃ ခုနှစ်၏ ဖွဲ့စည်းပုံပြင်ဆင်ရေး စိန်ခေါ်သံ

လူပေါင်းများစွာ သေကျေခဲ့သော ၂၀၀၈ ခုနှစ်၊ နာဂစ်မုန်တိုင်း တိုက်ခတ်ပြီးနောက် တက်သုတ်ရိုက် အတည်ပြုခဲ့သော ၂၀၀၈ ဖွဲ့စည်းပုံအခြေခံဥပဒေကို ပြင်ဆင်မည်ဆိုသော သတင်းသည် ၂၀၁၃ ခုနှစ် အတွင်း နိုင်ငံရေးဖြစ်ရပ်များတွင် သိသာ ထင်ရှားသြော စ်ြရပ်တစ်ခု ဖြစ်ခဲ့ပြီး နှစ်ကုန်ပိုင်းအထိ နိုင်ငံရေး လေ့လာသူများကြား စိတ်ဝင်စားမှု ရေချိန်မြင့်ခဲ့သည်။

လက်ရှိတွင် အစိုးရနှင့် အတိုက်အခံတို့ကြား တွေ့ဆုံဆွေးနွေးရေး လမ်းကြောင်း နှင့်အတူ ဖွဲ့စည်းပုံလမ်းကြောင်းကို လျှောက်လှမ်းရမည့် အချိန် ရောက်နေပြီဖြစ်သည်။ဖွဲ့စည်းပုံအခြေခံဥပဒေကို ပြင်ဆင်ရေးတွင် စိတ်ဝင်စားဖွယ်ကောင်းသည့် အချက်တစ်ချက်မှာ ပြင်ဆင်ရေးအတွက် လွှတ်တော်တွင် အရေးကြီးအဆို အဖြစ် စတင် တင်သွင်းခဲ့သူသည် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ ဒု-ဥက္ကဋ္ဌ၊ ၀က်လက်မြို့ မဲဆန္ဒနယ် ပြည်သူ့လွှတ်တော်ကိုယ်စားလှယ် သူရဦးအေးမြင့် ဖြစ်ပြီး ယင်းအဆိုကို သတ္တမပုံမှန် အစည်း အဝေး ဇွန် ၂၀ ရက်တွင် တင်သွင်းခဲ့ခြင်း ဖြစ်သည်။

ယင်းသို့ အာဏာရပါတီဖြစ်သော ကြံ့ခိုင်ရေးပါတီမှ တင်သွင်းခဲ့ခြင်းနှင့်ပတ်သက်ပြီး မြန်မာ့နိုင်ငံရေး လေ့လာသူ ဦးသန်းစိုးနိုင်က “ထူးခြားတာက ပြင်မယ်လို့ စပြောတာက ပြည်ခိုင်ဖြိုးက စပြောတာပဲ”ဟု ဆိုသည်။

ပြင်ဆင်မလား၊ အသစ်ရေးမလား

ဖွဲ့စည်းပုံအခြေခံဥပဒေကို ပြင်ဆင်လိုသူ ရှိသကဲ့သို့ အသစ် ပြန်လည်ရေးဆွဲနေ သူများလည်း ရှိနေရာ အများစုက ပြင်ဆင် ရေးဆွဲလိုကြသည်။ သို့သော် အမျိုးသား ဒီမိုကရေစီအဖွဲ့ချုပ်၏နာယက ဦးဝင်းတင် ကမူ “သုံးမရသည့် ဖွဲ့စည်းပုံ” ဖြစ်နေ၍ အသစ်သာ ပြန်လည်ရေးဆွဲသင့်သည်ဟု ဝေဖန်ခဲ့သေးသည်။ ညီညွတ်သော တိုင်းရင်းသားများ ဖက်ဒရယ်ကောင်စီကလည်း ပြင်မည်ဟု ပြောခဲ့သည်။

ပြင်ဆင်ရေး၊ အသစ်ရေးဆွဲရေးနှင့် ပတ်သက်ပြီး မြန်မာ့နိုင်ငံရေး လေ့လာသူ၊ နိုင်ငံရေးဆောင်းပါးများ အစဉ်တစိုက် ရေးသားခဲ့သူ စာရေးဆရာ ဦးကျော်ဝင်းက “အသစ်ရေးခြင်းက ကျွန်တော်တို့ ရှားရှားပါးပါး ရထားတဲ့ ဒီကနေ့ အပြောင်းအလဲ လေးကို အန်္တရာယ်အလွန်ကြီးတယ်ထင်လို့ ကျွန်တော် ပြောရခြင်းဖြစ် ပါတယ်” ဟု ဆိုသည်။

ဦးသန်းစိုးနိုင်ကလည်း “ဖွဲ့စည်းပုံ အသစ် ပြန်ရေးဆွဲမယ်ဆိုရင် ဒီအခွင့် အာဏာက အခြားလူတွေမှာ မရှိဘူး။ တပ်မတော်နဲ့ အာဏာရပါတီမှာပဲ ရှိမယ်။ တကယ်ကျတော့ ဖွဲ့စည်းပုံကို အသစ်ရေး မယ်လို့ တောင်းဆိုတာဟာ ဖွဲ့စည်းအုပ်ချုပ်ပုံ အခြေခံဥပဒေ ကာကွယ်ရေးသည် စစ်တပ်ရဲ့တာဝန်ဆိုတော့ စစ်တပ်ကို စိန်ခေါ်သလို ဖြစ်နေတယ်။ ဒီလိုလမ်းကြောင်းနဲ့ကတော့ အမျိုးသားပြန်လည် သင့်မြတ်ရေးနဲ့ ယုံကြည်မှုတည်ဆောက်ရေးကို ထိခိုက်မှာပဲ” ဟု ဆိုသည်။

အမျိုးသားဒီမိုကရေစီအဖွဲ့ချုပ်(NLD) ကလည်း တစ်နိုင်ငံလုံးအတိုင်းအတာဖြင့် ဖွဲ့စည်းပုံပြင်ဆင်ရေး၊ အသစ်ရေးဆွဲရေး နှင့် ပတ်သက်ပြီး လူထုသဘောထားခံယူပွဲများ ပြုလုပ်ခဲ့ရာ အများစုက ပြင်ဆင်ရန် သဘောထား မှတ်ချက်ပေးခဲ့ကြသည်။

ဖွဲ့စည်းပုံမှာ ဘာတွေပြင်မလဲ

ပြင်ဆင်ရန်ခက်ခဲလွန်းသည့် ဖွဲ့စည်းပုံ ပြင်ဆင်ရေးတွင် ပြင်ဆင်ရန်အတွက် ပညာရှင်များ ထောက်ပြထား သည့် အချက်များစွာရှိနေပြီး အခန်း (၁၂) “ဖွဲ့စည်းပုံအခြေခံ ဥပဒေပြင်ဆင်ခြင်း” တွင် ပါဝင်သည့် ပုဒ်မ ၄၃၆ ကို ဦးစွာပြင်ဆင်ရမည်ဟု ပညာရှင်များက ဝေဖန်ထောက်ပြသည်။

ပြင်ဆင်ရမည့်အချက်များတွင် အများစု ထောက်ပြသည့် အချက်များတွင် အခန်း (၁) နိုင်ငံတော် အခြေခံ မူများအခန်းတွင် ပါဝင်သည့် “နိုင်ငံတော်၏ အမျိုးသားနိုင်ငံ ရေး ဦးဆောင်မှု အခန်းကဏ္ဍတွင် တပ် မတော်က ပါဝင်ထမ်းဆောင်နိုင်ရေး အစဉ်တစိုက် ဦးဆောင်သည်”ဆိုသည့် အချက်၊ သမ္မတနှင့်ဒုသမ္မတ အရည်အချင်း သတ်မှတ်ချက်များတွင် ပါဝင်သည့် ပုဒ်မ ၅၉(စ) တွင် ပါဝင်သည့် မိဘ၊ ဇနီး၊ ခင်ပွန်း၊ တရားဝင် သားသမီးတစ်ဦးဦး၊ ယင်းသားသမီးများ၏ ဇနီး၊ ခင်ပွန်းများသည် တိုင်းတစ်ပါး နိုင်ငံသား မဖြစ် စေရဆိုသည့်အချက်၊ စစ်တပ်က အာဏာသိမ်းနိုင်သည့်အချက်၊ တိုင်းရင်းသားများ၏ အခွင့်အရေးများနှင့် သက်ဆိုင်သည့် အချက်များ၊ လွှတ်တော် တွင် တပ်မတော်သား ၂၅ ရာခိုင်နှုန်း ပါဝင်သည့် အချက် စသည့်အချက်များကို ပြင်ဆင်ရန် လိုအပ်နေသည်ဟု ပညာရှင်များက ဆိုသည်။

ယင်းသို့ ပြင်ဆင်ရေးနှင့် ပတ်သက်ပြီး ဒီဇင်ဘာ ၂၄ ရက်က ရန်ကုန်မြို့၊ သမိုင်းမြို့မ ဘုန်းကြီးကျောင်း တွင် ပြုလုပ်သော ဖွဲ့စည်းပုံ အခြေခံဥပဒေဆိုင်ရာ လူထု ဆွေးနွေးပွဲတွင် မြန်မာငြိမ်းချမ်းရေးစင်တာ မှ အကြံပေးအဖွဲ့ဝင် ဒေါက်တာမင်းဇော်ဦးက “ဘာတွေကိုပြင်မှာလဲဆိုရင် ကျွန်တော်တို့ နိုင်ငံရေးအရ ခွဲထုတ်လိုက်တာ လေးခု ရှိတယ်။ နံပါတ်တစ်က တိုင်းရင်သား ပဋိပက္ခကို ဖြေရှင်းဖို့လိုအပ်တဲ့ အချက် အလက်တွေ ဖြေရှင်းဖို့ရှိတယ်။ နောက်တစ်ခုက တပ်မတော်ရဲ့ အခန်းကဏ္ဍ၊ တပ်မတော်ကနေရာအများ ကြီး ယူထားတဲ့ အပေါ်မှာ ဝေဖန်တာရှိတယ်။ တပ်မတော် ရဲ့ အခန်းကဏ္ဍပြင်ဆင် ဆွေးနွေးစရာရှိ တယ်။ နံပါတ်သုံးက လက်ရှိ ဖွဲ့စည်းပုံမှာ ရှေ့နောက်မညီတဲ့ကိစ်္စတွေ ရှိတယ်။ အဲဒါ တွေကတော့ ဥပဒေကြောင်းဆန်တယ်။ နောက်တစ်ချက်က သမ်္မတဖြစ်ခွင့်ရှိတဲ့ သတ်မှတ်ထားတဲ့အချက် ၅၉(စ)ကို ပြင်ရ မယ်”ဟု ပြောသည်။

ယင်းပွဲတွင် စာရေးဆရာ ဦးဖေမြင့်ကလည်း ၀င်ရောက်ဆွေးနွေးခဲ့ရာ “နိုင်ငံတော်ရဲ့ ဦးဆောင်မှုနေရာကို တပ်မတော်က အမြဲတမ်းယူရင် တပ်မတော်က အမြဲတမ်း အခွင့်အရေးယူနေမယ်။ အဆင့်အတန်း ခွဲခြား သလိုဖြစ်နေမယ်။ တန်းတူညီ မျှရေးကို နေရာတော်တော်များများမှာ ရေးထားပေးမယ့် ဆန့်ကျင်နေ တယ်။ ရှေ့နောက် မညီညွတ်ဘူး”ဟု ဝေဖန်ထောက်ပြသည်။

မြန်မာ့နိုင်ငံရေးလေ့လာသူ ဦးသန်းစိုး နိုင်ကလည်း ဖွဲ့စည်းပုံပြင်ဆင်ရေးနှင့် ပတ်သက်၍ နှစ်ပိုင်းခွဲ၍ပြော ခဲ့ပြီး ၂၀၁၅ မတိုင်မီ ပြင်ဆင်သင့်သည့် အချက်နှင့် ၂၀၁၅ နောက်ပိုင်းတွင် ပြင်ဆင်သင့်သည့် အချက်ဟူ ၍ နှစ်ချက်ခွဲ၍ ပြောခဲ့ပြီး ၂၀၁၅ မတိုင်ခင်တွင် သမ္မတလုပ်ပိုင်ခွင့်နှင့် ပတ်သက်သည့်အချက်များ၊ သမ္မတ အရည်အချင်း ကန့်သတ်ချက်များ၊ တိုင်းရင်းသားများနှင့် နိုင်ငံရေး၊ စီးပွားရေး၊ ယဉ်ကျေးမှုနှင့် ဘာသာ ရေး တန်းတူညီမျှရှိရေး၊ ပြည်နယ်နှင့် တိုင်းဒေသကြီးများ အစိုးရများကို ပါဝါခွဲဝေပေးရေးတို့ကို ပြုပြင်ရ မည်ဖြစ်ပြီး ၂၀၁၅ နောက်ပိုင်းတွင်မှ စစ်တပ်အခန်းကဏ္ဍကို တဖြည်းဖြည်း ပြုပြင်ပြောင်းလဲ ပေးရမည်ဟု ဝေဖန်ထောက်ပြလိုက်သည်။

ဦးကျော်ဝင်းကလည်း “ကျွန်တော်တို့ Constitution (ဖွဲ့စည်းပုံ) မှာ လိုအပ်တာတွေ အများကြီးပဲ။ လက် တွေ့ အလုပ်လုပ်တဲ့အခါမှာ အခက်အခဲဖြစ်နေတဲ့ဟာတွေကို ဦးစားပေးပြင်ဖို့ လိုပါတယ်။ ကျွန်တော်တို့ သွားနေတဲ့ အပြောင်းအလဲ သုံးခုနဲ့ သွားနေပါတယ်။ နိုင်ငံရေးအပြောင်းအလဲ၊ စီးပွားရေး အပြောင်းအလဲနဲ့ ပြည်တွင်းစစ်ရပ်စဲရေးကို သွားနေတယ်။ ရှေ့ဆက်သွားဖို့ အဟန့်အတားဖြစ်နေတာက လူမျိုးစုအခွင့် အရေးနဲ့ပတ်သက်တာတွေကို ညှိပြီး အဖြေ တစ်ခုထွက်အောင် လုပ်ရမယ်လို့ ထင်ပါတယ်” ဟု သုံးသပ် ပြောဆိုသည်။

ဖွဲ့စည်းပုံပြင်ဆင်ရေးတွင် တိုင်းရင်းသား အများစုအနေဖြင့် ဖက်ဒရယ် ပြည်ထောင်စုစနစ် ဦးတည်ရေးကို သာ ဦးစားပေး ပြင်ဆင်လိုသည့်ဆန္ဒရှိကြောင်း တိုင်းရင်းသားပါတီများနှင့် တိုင်းရင်းသား လက်နက်ကိုင် အဖွဲ့အစည်းများက ပြောဆိုထားသည်။

NLD ပါတီမှ ဖွဲ့စည်းပုံ အခြေခံဥပဒေ ပြင်ဆင်ရေး ကော်မတီမှအဖွဲ့ဝင် ဦးဌေးဦး ကလည်း ဖွဲ့စည်းပုံ အခြေခံဥပဒေလူထု ဆွေးနွေးပွဲတွင် “ပြည်နယ်အစိုးရတွေကိုလည်း လက်တစ်ဆုံး ဗဟိုအစိုးရကြီးကပဲ ကိုင်ထားတယ်။ ပြည်နယ်တွေရဲ့ကိုယ်ပိုင် အုပ်ချုပ်ခွင့်၊ ကိုယ်ပိုင်ပြဌာန်းခွင့် ဘယ်မှာရှာကြမလဲ။

ဇယား(၂)မှာ ပြည်နယ်အစိုးရနဲ့ ပြည်နယ်လွှတ်တော်ကိုတွေ သစ်တောနဲ့ ပတ်သက်လို့ စီမံခန့်ခွဲခွင့် ပေး ထားတာ ထင်းကိုပဲ စီမံခန့်ခွဲခွင့်ပေးထားတယ်။ သတ္တုတွင်းနဲ့ပတ်သက်လို့လဲ ကျောက်သွေး၊ ကျောက် ဖြတ်လုပ်ငန်းပဲ စီမံခန့်ခွဲခွင့် ရှိတယ်။ အဲဒီတော့ ဒီလိုပုံစံမျိုးနဲ့ ပြည်တွင်း ငြိမ်းချမ်းရေး မရနိုင်ပါဘူးဒီအချက် တွေက တိုင်းရင်းသား ညီအစ်ကိုမောင်နှမတွေ လိုချင်နေတဲ့ ဖက်ဒရယ်ပြည်ထောင်စု မဟုတ်ဘူး ဆိုတာ လည်း ဒီအချက်တွေက ပြနေပါတယ်” ဟု ထောက်ပြဝေဖန်ခဲ့သေးသည်။

ဖွဲ့စည်းပုံလေ့လာသုံးသပ်ရေး ပူးပေါင်းကော်မတီ

ဖွဲ့စည်းပုံအခြေခံဥပဒေ ပြင်ဆင်ရေး၊ လေ့လာသုံးသပ်ရေးတို့အတွက် ပြည်ထောင်စု လွှတ်တော်ကိုယ် စားလှယ် ၁၀၉ ဦးဖြင့် ဖွဲ့စည်းထားသည့် ၂၀၀၈ ဖွဲ့စည်းပုံ လေ့လာသုံးသပ်ရေး ပူးပေါင်းကော်မတီကို ၂၀၁၃ ခုနှစ် စက်တင်ဘာလအတွင်းက ဖွဲ့စည်းခဲ့ပြီး ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီက ၅၂ နေရာဖြင့် ကိုယ်စားလှယ်ဦးရေ အများဆုံး ပါဝင်ကာ ဒုတိယအနေဖြင့် တပ်မတော်သားကိုယ်စားလှယ် ၂၅ ဦး ပါဝင်သည်။ အတိုက်အခံပါတီ NLD ကမူ ကိုယ်စားလှယ်ခုနစ်ဦး ပါဝင်သည်။ ယင်းကော်မတီကို ပြည်ထောင်စု လွှတ်တော်ရှိ ပါတီအသီးသီး၏ ကိုယ်စားပြုမှု အချိုးဖြင့် ဖွဲ့စည်းထားခြင်း ဖြစ်သည်။

အဆိုပါကော်မတီသို့ ပါတီအသီးသီး၊ အဖွဲ့အစည်းအသီးသီး၊ တိုင်းရင်းသား အဖွဲ့အစည်းများမှ အကြံပြု ချက်များကို လာမည့် ၂၀၁၄ ခုနှစ်၊ ဇန်န၀ါရီ ၃၁ တွင် နောက်ဆုံးထား၍ တင်သွင်းရမည် ဖြစ်သည်။

ပြင်ဆင်ရခက်တဲ့ ဖွဲ့စည်းပုံ

ဖွဲ့စည်းပုံပြင်ဆင်ရေးအတွက် ပြည်ထောင်စုလွှတ်တော် ကိုယ်စားလှယ် စုစုပေါင်း၏ ၂၀ ရာခိုင်နှုန်း ထောက်ခံတင်ပြလာမှသာ လွှတ်တော်က လက်ခံဆွေးနွေးမည် ဖြစ်သည်။ အလားတူ ဖွဲ့စည်းပုံပါ ပုဒ်မ အချို့တို့ကို ပြင်ဆင်ရာတွင်လည်း ပြည်ထောင်စုလွှတ်တော် ကိုယ်စားလှယ် အားလုံး၏ ၇၅ ရာခိုင်နှုန်း ကျော်ကပြင်ဆင်ရန် လက်ခံသဘောတူမှ ပြင်ဆင်နိုင်မည် ဖြစ်သည်။

ယင်းနောက် ပြည်လုံးကျွတ် ဆန္ဒခံယူပွဲ ပြုလုပ်ကာ မဲဆန္ဒရှင် ထက်ဝက်ကျော်၏ ထောက်ခံဆန်္ဒမဲရမှသာ ပြင်ဆင်နိုင်မည်ဖြစ် သည်။ ကျန်ဥပဒေပါပြဋ္ဌာန်းချက် ပုဒ်မ အချို့သည် ပြည်ထောင်စုလွှတ်တော် ကိုယ် စားလှယ်စုစုပေါင်း ၇၅ ရာခိုင်နှုန်းကျော် ထောက်ခံလျှင် ပြင်ဆင်နိုင်မည်ဖြစ်သည်။

ယင်းအချက်များကြောင့် ပြင်ဆင်ရခက်သည့် ဖွဲ့စည်းပုံဟု အမည်တပ်ကြခြင်း ဖြစ်သည်။ ယင်းသို့ ဒီမိုကရေစီစံနှုန်းများနှင့် မညီသော၊ ပြင်ဆင်ရန် အချက်များစွာရှိနေသော၊ မြန်မာနိုင်ငံ၏ လက်ရှိအခြေအနေ အချိန်အခါအရ ပြင်ဆင်သင့်သည့် အချက်များကို အဓိကထားပြင်ဆင်ခြင်းဖြင့် အများ လက်ခံနိုင်သော ဖွဲ့စည်းပုံဖြစ်ရေးကို ဦးတည်စေလိုသည်။Written by တင်ဇာအောင်၊ ဝေမာသိမ့်